يانااس ياهوووو بجد زهقت صحبتى بحبها اوى
بس المشكله انها اصغر منى لسه بتدرس فى الكليه وانا خلصت ومش بعرف اتلم عليها خالص
كل شويه عندى كويز عندى كويز
الاول كنت مش بفهم ايه كويز دى بفتكر برد وهيروح لحاله لحد مااكتشفت انها امتحانات
اصل البنت ياعينى فى اسنان ومش رحمنها خالص كل يوم امتحان بشكل مش طبيعى
هى كمان صعبت عليه اوى بفكر اقنعها تسيب الكليه بئى وتجيب من الاخر ونفتح محل انا وهى
نبيع فيه شرايط كاظم اصل احنا بنحبه اوى ههههههههههههههه ونعم الصداقه والله
انا حبيت اشتكى بس لأنى ملئتش حد اشتكيله اصل هى بتذاكر
عندها بكره بعيد عنكم كويييييييييييييز :((
الأربعاء، 2 أبريل 2008
الاشتراك في:
تعليقات الرسالة (Atom)
هناك 12 تعليقًا:
هههههههه احم احم دي انا؟؟؟؟
انا معنديش اي مانع اني احول من الكليه دي.. انت بس امري.. و هانت بكره المفرووووف انه اخر كويز بس بعده الميد ترم و الميد ترم ده بقى مش برد لا حصبه بعيد عنك :D
هههههههههههههههههههههههه
ياستااار يارب استر من الميد تيرم
ربنا يشفيكى يابنتى ويقومك بالسلامه
عشان نفوق للدنيا بئااااااااااااااا
كويييييز اية دة
دى اتفاقية باين معرفش انا الكويز دة
بس على العموم ربنا يوفق كل اللى عندهم كوكيز دة
طيب ساعديها ياداليا مش صاحبتك دى
تبقوا خدونى معاكوا فى المحل انا بحب كاظم وانا حجيب الدباديب
ربنا معاكوا وينجح كل اللى عندهم كوبيز ولا لوبيز ولا نسيت اسمة
هههههههههههههه
اتفاقيه حلوه والله
ياسيتى تنورى المحل وتشرفيه فعلا كنا بنفكر فى موضوع الدباديب
كده مش جمهور كاظم بس اللى هيجى يشترى مننا ده كاظم نفسه هييجى اصله بيحب الدباديب اوى ههههههههههههه
ربنا يشفيهالك من الكويز ويقومها بالسلامه
ما هى كمان اكيد بتحسدك
عشان انت قاعده ومروقه وهى هاريه نفسها عشان الكويز
على العموم ربنا ينجحنا كلنا فى كويزتنا
أنا عن نفسي اعرف اتفاقية الكويز اللي بين مصر وإسرائيل، لكن معرفش الكويز بتاعة الاسنان
وبعدين محل ايه؟؟ هو انتي فاكرة المحل سهل كدة علشان تفتحي واحد تبيعي فيه شرايط كاظم او حتى كاظم نفسه, ده اقل محل دلوقت ما يقلش عن نص مليون جنية.. خليها في طب اسنان احسن؟؟؟؟؟؟؟؟؟؟؟؟؟؟
وبعدين انتي عندك النت والمدونات اهي ضيعي وقتك فيها، او حتى اشتغلي، ده الشغل مالي البلد خالص دلوقت.
تقبلي مروري
مصري بالإمارات
لأ ربنا يرجعهالك بألف سلامة
انما تبيعوا شرايط كاسيت ....لألألأ متجيش بردة
سلام
داليا محمد
إبعدى عن البنت اليومين دول
وسيبيها فى حالها
وخدينى أنا أبيع معاكى شرايط أحسن
سلاااااااااام
طبعا رهف دى الى هى هاجر
بس اسمها الحركى يا رهف يا هاجر
واسمها الحقيقى يا ايما رهف يا ايما هاجر
ربنا ياسيتى ينجحا علشان تعملنا علاج جذور ببلاش دى غير التركبيات والتنضيف والتلميع والحركات
مش دعينلها؟؟؟
يعنى من غيرنا ولا هتبقى دكتوره ولا حاجه
نستغلها بقى
ههههههههههههه
ربنا ينجح الجمع انشاء الله
تحياتى
فينك ياداليا من زماااااان وحشتينى فين المواضيع الجديدة
ليكى عندى تاج تعالى خدية ومتتأخريش حستناكى
ربنا ان شاء الله يكرمها بالجنة
اولا طمنيني على صاحبتك
بصي نصيحه صاحبي حد غيرها انا في طب وقربت اخسر كل اصحابي ماعدا المرضى المصابين بنفس المرض المدعو طب يعني اللي معايا في الكليه
وعليه العوض ومنو العوض فينا
إرسال تعليق